काठमाडौं । अभिनेत्री काजोलले एक अन्तर्वार्तामा अभिनेता शाहरुख खान र माधुरी दीक्षितको बारेमा केही कुरा भनेकी छिन् । जुम टिभीलाई दिएको एक अन्तर्वार्तामा काजोललाई सोधिएको थियो कि तपाईका अनुसार अण्डररेटेड अभिनेत्री को हुन ?

यसको जवाफमा काजोलले भनिन्, ‘यदि म विविधताको कुरा गर्छु भने माधुरी दीक्षित मेरो नजरमा निकै अण्डरेटेड थिइन् । माधुरीले आफूले पाउनुपर्ने अवसरहरू पाइनन्, जुन उनको दायरा थियो।

यो अन्तर्वार्तामा काजोललाई सोधिएको थियो कि उनी शाहरुख खानबाट के सिक्न चाहन्छिन् ?

जवाफमा काजोलले भनिन्, ‘म शाहरुखबाट सिक्न चाहन्छु कि उनले सबैका संवादहरु कसरी याद राख्छन् । शाहरुखको स्मरण शक्ति अचम्मको छ । शाहरुखसँग फोटोग्राफिक मेमोरी छ। शाहरुख सेटमा आउँछन् र उनलाई सबैको संवाद थाहा हुन्छ। म सँधै आश्चर्यचकित छु कि उनले यो कसरी गर्न सक्छन् ।’

काजोलले भनिन्, ‘आजसम्म कुनै पनि क्यारेक्टर वा फिल्म गरेकोमा मलाई पछुतो छैन । यदि मलाई आज कुनै पनि क्यारेक्टर गर्न भनियो भने म त्यो समयभन्दा बिल्कुलै फरक गर्छु । किनकी त्यतिबेला म अर्कै थिएँ, आज अर्कै छु ।’

इन्डस्ट्रीमा आएका नयाँ युवतीलाई सल्लाह दिँदै काजोलले भनिन्, ‘भगवानले तिमी जस्तो छौ त्यस्तै बनाउनुभएको छ र यदि तपाईले चाहेजस्तो बनाउनु भएको छैन भने त्यसका लागि मेकअपको सुविधा सधैं छ । तर शल्यक्रिया होइन । यदि यो तपाईको रोजाइको हो भने, यो ठीक छ। तर केही मानिसहरूले तपाईंलाई भनेका कारणले यो गर्नु हुँदैन।’