काठमाडौं । इजरायलमा सरकारको निर्णयविरुद्ध जनता सडकमा उत्रिएका छन् । प्रदर्शनमा उत्रिएका हजारौं मानिसले इजरायलका सडक अवरुद्ध गरेका छन् । सरकारले गरेको न्यायिक सुधारको विरुद्धमा यी आन्दोलनकारीहरु सडकमा उत्रिएका छन् ।

इजरायल सरकारले एउटा विधेयक ल्याएको छ । यसमा सरकारका मन्त्रीहरुको निर्णय पुनरावलोकन गर्ने सर्वोच्च अदालतको अधिकार घटाउने चर्चा छ । यसको विरोधमा जनता सडकमा उत्रिएका छन् ।

यरूशलेम-तेल अवीव राजमार्गबाट ​​यी प्रदर्शनकारीहरूलाई हटाउन प्रहरीले पानीको फोहोरा प्रयोग गरेको थियो। हालसम्म ४२ जना पक्राउ परेका छन् । सरकारको यो विधेयकमा इजरायलका जनता विभाजित छन्।

यस विषयमा देशैभर विरोध प्रदर्शन भइरहेका छन् । विरोध प्रदर्शन पछि एयरपोर्ट वरिपरि, जेरुसेलमको राष्ट्रपति निवासमा, तेल अवीवमा इजरायली रक्षा मन्त्रालयको मुख्यालय र अमेरिकी दूतावासको कार्यालय बाहिर हुने अपेक्षा गरिएको छ।

यो वर्षको सुरुमा सरकारले प्रस्ताव ल्याएपछि हजारौं जनता सडकमा उत्रिएका छन् ।