मस्को। रूसका एक व्यक्तिले बिना कुनै सहयोग घरमै ड्रिल मेसिनले आफ्नै मस्तिष्कको शल्यक्रिया गरेका छन्।

यसपछि यसमा एउटा चिप प्रत्यारोपण गरिएको थियो। आफ्नो सपनालाई नियन्त्रण गर्ने प्रयासमा लागेका उनी १० घण्टासम्म मृत्युको मुखमा बसेका थिए।

आफ्नो शल्यक्रिया गर्ने माइकल रादुगाले आफूलाई न्यूरोसर्जरीको कुनै अनुभव नभएको बताए। यस क्रममा उनको धेरै रगत बगेको थियो। मर्ने बेला भयो। घन्टौंपछि उनको मस्तिष्कमा इलेक्ट्रोड (चिप) प्रत्यारोपण गरियो। यसबाट आफूले एक दिन आफ्नो सपनालाई पूर्ण रूपमा नियन्त्रण गर्न सक्ने उनको विश्वास थियो ।

‘मसँग न्यूरो सर्जरीसँग सम्बन्धित कुनै योग्यता छैन। त्यसपछि मैले एउटा हार्डवेयर पसलबाट पाएको ड्रिलको साथ टाउकोमा एउटा प्वाल ड्रिल गरें र पेपर क्लिपको साथ केही छाला समातेर चिप प्रत्यारोपण गरें,’ माइकलले भने, ‘सुरुमा म डराएको थिएँ, लगभग बेहोस भएँ। धेरै रगत बगेको थियो।’

तर पनि अहिले माइकल भन्छन्  कि यस्तो खतरनाक प्रक्रिया गर्न र नयाँ विधिहरू परीक्षण गर्न पाउँदा उनी धेरै खुसी छन्। उनका अनुसार यो विधि एक दिन धेरै उपयोगी साबित हुन सक्छ। यसले मानिसहरूलाई आफ्नो सपनामा प्रवेश गर्न अनुमति दिन सक्छ। माइकलले शल्यक्रियाको ६ हप्ता पछि चिप हटाएको थिए किनकि यसले उनलाई लामो समयसम्म क्षतिको जोखिममा पार्न सक्छ।

अक्सफोर्ड युनिभर्सिटीका सल्लाहकार न्यूरोसर्जन एलेक्स ग्रीनले भने, ‘यो निकै खतरनाक छ किनभने यो घरमा प्रयास गर्नु हुँदैन।’