काठमाडौं । रुसी रक्षामन्त्री सर्गेई शोइगुको नेतृत्वमा रुसी प्रतिनिधिमण्डल उत्तर कोरिया पुगेको छ ।

कोरियाली युद्ध समाप्त भएको ७० वर्ष पूरा भएको अवसरमा आयोजना हुने कार्यक्रममा उनी सहभागी हुनेछन् । शोइगु कोभिड महामारीपछि उत्तर कोरिया भ्रमण गर्ने पहिलो कूटनीतिज्ञ हुन्।

महामारीको समयमा, उत्तर कोरियाले आफ्नो सिमाना बन्द गर्यो र कडा प्रतिबन्धहरू लगायो। यी प्रतिबन्धहरू सन् २०२० मा लागू भएका थिए।

यस अवधिमा उत्तर कोरियाले खाद्यान्न र औषधिको निर्यात समेत बन्द गरेको थियो । यी प्रतिबन्धहरू रूस र चीन जस्ता महत्त्वपूर्ण साझेदारहरूमा पनि लगाइएको थियो।

तर, उत्तर कोरियाले आफ्नो सीमा नीतिमा कुनै परिवर्तन गरेको छ वा छैन भन्ने अझै स्पष्ट भएको छैन ।

रुसका रक्षामन्त्री शोइगुको भ्रमणबाट रुसले उत्तर कोरियालाई साझेदारका रूपमा कति महत्व दिन्छ भन्ने सङ्केत पनि मिलिरहेको छ ।

रुसले युक्रेन युद्धमा प्रयोग गर्नका लागि उत्तर कोरियाबाट गोलाबारुद र रकेट पनि लिएको गुप्तचर रिपोर्टमा दाबी गरिएको छ ।

उत्तर कोरियामा आयोजना हुने समारोहमा चिनियाँ प्रतिनिधिमण्डल पनि सहभागी हुनेछन् ।