काठमाडौं । कहिलेकाहीँ समय यति छिटो अगाडि बढिरहेको जस्तो लाग्छ कि बाल कलाकारहरू कहिले हुर्किए थाहा हुँदैन। ‘बालिका वधू’ फेम रोशनी वालिया पनि अहिले ठूली भएकी छिन् ।

रोशनीले चर्चित टिभी सिरियल ‘बालिका वधू’ मा गंगाको भूमिका निभाएकी छिन् । उनले सन् २०११ मा ‘मैं लक्ष्मी तेरे आंगन की’ कार्यक्रमबाट बाल कलाकारको रुपमा आफ्नो अभिनय करियर सुरु गरेकी थिइन् ।

यी अभिनेत्री ‘देवों के देव… महादेव’, ‘भारत का वीर पुत्र-महाराणा प्रताप’ जस्ता शोहरूमा पनि देखा परेकी छिन्। सिरियलमा आफ्नो अभिनयले दर्शकलाई मोहित पार्ने रोशनी अहिले २१ वर्षकी भइन् ।

एक समय टिभीमा देसी लुकमा रुचाइएकी थिइन् रोशनी । अहिले उनी निकै ग्ल्यामरस बनेकी छिन् । वर्षौंमा धेरै परिवर्तन भएको छ, तर उनको अनुहारमा निर्दोषता र मुस्कान अझै उस्तै छ।

टिभी शो बाहेक रोशनीले ‘माई फ्रेन्ड गणेश-३’ र ‘मछली जल की रानी है’ र ‘आई एम बन्नी’ जस्ता फिल्महरूमा पनि काम गरिसकेकी छिन्।

केही समयअघि उनले शाहरुख खानका छोरा आर्यन खानसँग पार्टी गरिरहेको तस्बिर सेयर गरेकी थिइन्, जसका कारण उनी धेरै ट्रोल भएकी थिइन् ।