काठमाडौं । अभिनेता तथा निर्माता अक्षय कुमारले आफ्नो आगामी फिल्म ओएमजी-२ (ओह माइ गड-२) को ट्रेलर रिलिज स्थगित गरेका छन्।

यो फिल्मको ट्रेलर बुधबार रिलिज हुने भएको थियो तर अब बिहीबार रिलिज हुँदैछ । बलिउडका कला निर्देशक नितिन देसाईको निधनमा शोक व्यक्त गर्दै अक्षय कुमारले यो जानकारी दिएका हुन् ।

उनले देसाईको सम्मान फिल्मको ट्रेलर सार्वजनिक गरेनन् । देसाईको शव बुधबार रायगडस्थित उनको स्टुडियोमा भेटिएको थियो । उनले आत्महत्या गरेको हुन सक्ने प्रहरीको अनुमान छ ।

अक्षय कुमारले ट्वीटरमा लेखेका छन्, “नितिन देसाईको निधनको बारेमा थाहा पाउँदा दुख लाग्यो। उहाँ प्रोडक्सन डिजाइनमा अग्लो व्यक्तित्व हुनुहुन्थ्यो र हाम्रो सिनेमा जगतको महत्त्वपूर्ण हिस्सा हुनुहुन्थ्यो। उहाँले मेरा धेरै फिल्महरूमा योगदान गर्नुभयो।”

अक्षय कुमारले थप लेखेका छन्, “यो ठूलो नोक्सानी हो। उहाँको सम्मानमा, हामी आज ओएमजी-२ को ट्रेलर रिलिज गर्दैनौं। भोलि ११ बजे रिलिज गर्नेछौं।”

यो फिल्म अगस्ट ११ मा रिलिज हुँदैछ । यसमा अक्षय कुमारका अलावा पंकज त्रिपाठी मुख्य भूमिकामा छन् ।