काठमाडौं । छत्तीसगढको गोरेला–पेन्द्र–मारवाही र कोरवा जिल्लामा आइतबार बिहान ९ बजे भूकम्पको धक्का महसुस गरिएको छ ।

भूकम्पको तीव्रता रिक्टर स्केलमा ३.९ मापन गरिएको छ । भूकम्पको केन्द्रविन्दु कोरवा पश्चिमको जमिनबाट ५ किलोमिटर तल रहेको थियो ।

जानकारी अनुसार भूकम्पको धक्का यति शक्तिशाली थियो कि मानिसहरु केही बेरमै घरबाट बाहिर निस्किएका थिए । कोरवामा पनि विस्फोटको आवाज आएको थियो ।

भूकम्पका कारण पासान क्षेत्रका घरमा दरार परेको छ । यहाँ करिब ३ देखि ४ सेकेण्डसम्म भूकम्पको धक्का महसुस गरिएको थियो । प्रशासनले सर्वसाधारणलाई सचेत रहन आग्रह गरेको छ ।