काठमाडौं । कांग्रेस नेता राहुल गान्धीले लद्दाखको प्यांगोङ तालको किनारमा आफ्ना पिता र पूर्व प्रधानमन्त्री राजीव गान्धीलाई उनको जन्मजयन्तीमा श्रद्धांजलि अर्पण गर्ने छन्।

समाचार एजेन्सी एएनआईले एउटा भिडियो जारी गरेको छ जसमा तालको किनारमा राजीव गान्धीको दुई तस्बिर देखिन्छन्।

जम्मू कश्मीर प्रदेश कांग्रेस कमेटी अध्यक्ष विकार रसूल वानीले भने, “आज राहुल जीले उहाँलाई फूल चढाउनेछन्। राजीव जीले पागोंग ताललाई धेरै माया गर्थे। आज हामी यस देशको लागि आफ्नो जीवन बलिदान दिने महान नेतालाई श्रद्धांजलि अर्पण गर्नेछौं।”

राहुल गान्धीको इन्स्टाग्रामले शनिबार दिउँसो केही तस्विरहरु शेयर गरेको थियो । यी तस्बिरहरूमा राहुल गान्धी मोटरसाइकलमा चढेर प्याङ्गोङ तालतर्फ जाँदै गरेको देखिएका छन् ।

उता, कांग्रेस पूर्व अध्यक्ष सोनिया गान्धी श्रद्धाञ्जली अर्पण गर्न आफ्ना पति तथा पूर्व प्रधानमन्त्री राजीव गान्धीको स्मृतिस्थल वीर भूमि पुगेकी छिन् ।

उनीसँगै छोरी प्रियंका गान्धी, कांग्रेस अध्यक्ष मल्लिकार्जुन खर्गेलगायत धेरै नेताहरु उपस्थित छन् ।

४० वर्षको उमेरमा प्रधानमन्त्री बनेका राजीव गान्धी भारतका सबैभन्दा कान्छो प्रधानमन्त्री थिए। उनको जन्म २० अगस्ट १९४४ मा तत्कालीन बम्बईमा भएको थियो ।