काठमाडौं । चिनियाँ राष्ट्रपति सी जिनपिङको एउटा भिडियो सामाजिक सञ्जालमा भाइरल भइरहेको छ ।

भिडियोमा चिनियाँ राष्ट्रपति सी जिनपिङ आफ्ना एक सहयोगीसँग हलमा प्रवेश गरिरहेको देखिन्छ । यसलाई ब्रिक्स शिखर सम्मेलनको हल भनिएको छ।

तर सी जिनपिङ ढोका भित्र आउने बित्तिकै एक सुरक्षा गार्डले उनका सहयोगीलाई रोक्न बल प्रयोग गरेको देखिन्छ।

रोकिए पनि चिनियाँ अधिकारीहरूले भित्र पस्ने प्रयास गर्दा गार्डहरूले जबरजस्ती ढोका बन्द गर्छन्।

#XiJinping‘s translator stopped by South African Security officers from entering #BRICS main venue…Xi Jinping looks quite lost.
Seems he also has problem walking steadily.
His absence from yesterdays’s key event also caused a lot of speculations. pic.twitter.com/T3WDVW6PiX

— Inconvenient Truths by Jennifer Zeng 曾錚真言 (@jenniferzeng97) August 23, 2023

यो सबै भइरहेको बेला चिनियाँ राष्ट्रपति सी जिनपिङ रातो कार्पेटमा हिँडिरहेका छन् र उनी बारम्बार फर्केर हेरिरहेका छन् । तर, आफ्ना सहकर्मीलाई रोकिएपछि उनले कुनै विरोध वा आपत्ति दर्ता गरेको देखिँदैन ।

यो भिडियोलाई लिएर सामाजिक सञ्जालमा धेरैले प्रतिक्रिया दिइरहेका छन् ।

जेनिफर जाङ नामक प्रयोगकर्ताले लेखे- “दक्षिण अफ्रिकी सुरक्षा अधिकारीहरूले सी जिनपिङका अनुवादकलाई ब्रिक्सको मुख्य स्थलमा प्रवेश गर्नबाट रोके। सी जिनपिङ एकदमै हराएको देखिन्छ।”

अर्को प्रयोगकर्ताले लेखेका छन् – दक्षिण अफ्रिकी सुरक्षा सेवाले सि जिनपिङका गार्डलाई जबरजस्ती रोक्यो ।