काठमाडौं । वाग्नरका सेना प्रमुख येभगेनी प्रिगोजिनको विमान दुर्घटनामा मृत्यु भएको छ। यो दुर्घटनाको भिडियो सामाजिक सञ्जालमा शेयर भइरहेको छ ।

यो भिडियो रुसको कुजेनकिनोमा भएको दुर्घटनाको अन्तिम क्षणको बारेमा बताइएको छ । बीबीसी भेरिफाइ टोलीले भिडियोको स्थान पुष्टि गरेको छ। यो भिडियो तेभेर क्षेत्रको कुजेनकिनोको हो।

बुधबार रुसको उड्डयन एजेन्सीले वाग्नरको सेना प्रमुख प्रिगोजिनसहित विमानमा सवार १० जनाको मृत्यु भएको पुष्टि गरेको छ ।

प्रिगोजिनसँगै उनका नजिकका सहयोगी दिमित्री उत्किन, सर्गेई प्रोपुस्टिन, येभगेनी मकार्यान, अलेक्जेन्डर टोटमिन, भ्यालेरी चेकालोफ र निकोलाई मातुसेयेभको पनि दुर्घटनामा मृत्यु भएको थियो।

चालक दलका सदस्यहरू क्याप्टेन एलेक्सी लेभ्सिन, को-पाइलट रुस्तम करिमोभ र उडान परिचर क्रिस्टिना रास्पोपोभा थिए।

यस वर्ष जुनमा, प्रिगोजिनको नेतृत्वमा वाग्नरको सेनाले रूसमा विद्रोह गर्ने असफल प्रयास गर्यो।