काठमाडौं । अडानी समूहको बारेमा नयाँ रिपोर्ट आएपछि बिहीबार समूहका धेरै कम्पनीको सेयर घटेको छ ।

समाचार एजेन्सी पीटीआईका अनुसार बिहीबार समूहका नौ कम्पनीको सेयर नेगेटिभ गएको छ भने एउटा मात्र कम्पनीको ग्रिन मार्क (पोजिटिभ) रहेको छ ।

अडानी इन्टरप्राइजेज लिमिटेडको शेयर ५.२ प्रतिशतले घटेको छ ।

जर्ज सोरोसको स्वामित्वमा रहेको संगठन ओसीसीआरपीको प्रतिवेदनमा अडानी परिवारका व्यक्तिहरूले मौरिससको एउटा फर्ममार्फत वर्षौंसम्म अडानी समूहको सेयर अपारदर्शी ढंगले खरिद गरेको उल्लेख छ । यो त्यो समय थियो जब अडानी समूहको कम्पनी तीव्र गतिमा बढिरहेको थियो र उनी देशको सबैभन्दा धनी व्यक्ति बनेका थिए।

यो रिपोर्ट बेलायती पत्रिका गार्जियन र फाइनान्सियल टाइम्सले प्रकाशित गरेको हो ।

अडानी समूहले प्रतिवेदनलाई अस्वीकार गरेको छ र यसलाई जर्ज सोरोसको संस्था र विदेशी मिडियाको एक भागले ‘आधारहीन’ हिन्डनबर्ग रिपोर्टलाई पुनर्जीवित गर्ने प्रयास गरेको भनेको छ।

यस वर्षको जनवरीमा, न्यूयोर्कको वित्तीय फर्म हिन्डनबर्गले एक रिपोर्ट जारी गर्‍यो जसमा अडानी समूहको शेयर बजारमा सूचीबद्ध ७ प्रमुख कम्पनीहरू ओभरभ्यालुएड भएको बताइएको थियो।

यो प्रतिवेदनपछि कम्पनीको शेयरमा तीव्र गिरावट आउन थाल्यो ।