काठमाडौं । एकातिर गदर २ ले बक्स अफिसमा सफलताको झण्डा फहराइरहेको छ भने अर्कोतिर फिल्मकी अभिनेत्री अमिषा पटेलले चकित पार्ने बयान दिएकी छिन् । अमिषा पटेलले गदर २ निर्देशक अनिल शर्मालाई धम्की दिएकी छिन् । न्युज १८ लाई दिएको अन्तर्वार्तामा अभिनेत्रीले अनिल शर्मासँगको आफ्नो समीकरणको सत्यता बताइन् ।

अभिनेत्रीले भनिन्– धेरैले मलाई अनिल शर्मासँगको सम्बन्धबारे सोधिरहेका छन् । म आज सबैलाई बताउन चाहन्छु कि हाम्रो सम्बन्ध कहिल्यै राम्रो थिएन। तर पनि उनीहरू मेरो लागि परिवार जस्तै छन् र सधैं रहनेछन्। जस्तो कि तपाई सधैं परिवारसँग सँगै बस्नुहुन्न, तर पनि तपाई परिवार नै रहनुहुन्छ। हाम्रो नाता पनि यस्तै छ ।

अमिषाले सकीनाको क्यारेक्टर फिल्मका लेखक शक्तिमानले बनाएको बताइन् । अभिनेत्रीलाई अनिल शर्माले नभई प्रोडक्सन हाउसले कास्ट गरेका हुन् । निर्माता नितिन कैनीकै कारण गदर १ को हिस्सा बन्न सफल भएको अभिनेत्रीले बताइन् । नत्र अनिल शर्मा फिल्ममा ममता कुलकर्णीलाई रिप्लेस गर्न चाहन्थे ।

अनिल शर्माले तारा सिंहको भूमिकामा गोविन्दालाई कास्ट गर्न चाहेको तर प्रोडक्सन हाउसले सन्नीलाई कास्ट गर्ने कुरा गरेको पनि अमिषाले बताइन् । अभिनेत्रीले सन्नी र प्रोडक्सन हाउसकै कारण फिल्म गदरको हिस्सा बनेको बताइन् ।

केही समयअघि अमिषाले अनिल शर्मालाई पैसा नदिएको आरोप लगाउँदै केही ट्वीट गरेकी थिइन् तर पछि अभिनेत्रीले उक्त ट्वीट डिलिट गरिन् । अभिनेत्रीले यसबारे अनिल शर्माले आफ्नो ट्वीट डिलिट गर्न अनुरोध गरेको बताइन् । अभिनेत्रीले अनिल शर्माको च्याटको प्रमाण आफूसँग रहेको पनि बताइन् ।

अभिनेत्रीले आफूसँग अनिल शर्माका धेरै भिडियो पनि रहेको बताइन्, जसमा उनले आफूलाई धेरै वाचा गरेका थिए तर केही पूरा नगरेको बताएकी छिन् । अभिनेत्रीले अनिल शर्माले कुनै कुरा अस्वीकार गरेमा सबै कुराकानी र भिडियोहरू देखाउने बताइन् ।