काठमाडौं । अमेरिकाका उप राष्ट्रिय सुरक्षा सल्लाहकार जोन फिनरले भारत, संयुक्त अरब इमिरेट्स र साउदी अरबलाई रेलमार्फत जोड्ने अमेरिकाको प्रयासको बारेमा थप जानकारी दिएका छन्।

केही समयअघि पत्रकार सम्मेलन गरी उनले भने, “सबैभन्दा पहिले, म तपाईंलाई यो रेल परियोजना मात्र होइन यो एक ढुवानी र रेल परियोजना हो भनेर बताउन चाहन्छु।”

उनले भने, “यो धेरै महत्वाकांक्षी परियोजना हो र ठूलो मात्रामा हुनेछ भन्ने कुरा जनताले बुझ्नु आवश्यक छ।”

मध्यपूर्व क्षेत्रलाई औंल्याउँदै उनले भने, “अमेरिकाले यस क्षेत्रमा केही ठाउँमा तनाव कम गर्ने प्रयास गरिरहेको छ र यस क्षेत्रमा स्थायित्व चाहन्छ र यहाँका देशहरू एकअर्कासँग जोडिएका छन्।”

दुई दिनअघि अमेरिकाका राष्ट्रिय सुरक्षा सल्लाहकार जेक सुभिलनले भारतलाई मध्यपूर्व हुँदै युरोपसँग जोड्नु निकै महत्त्वपूर्ण छ र यसले यसमा संलग्न देशहरूलाई आर्थिक र रणनीतिक फाइदा पुर्याउन सक्छ भन्ने अमेरिकाको विश्वास रहेको बताएका थिए ।

भारतमा हुन लागेको जी-२० सम्मेलनमा यसबारेमा छलफल हुन सक्ने विश्वास गरिएको थियो तर यसको आधिकारिक घोषणाबारे अहिलेसम्म केही भनिएको छैन ।

अमेरिकाको यो परियोजनालाई चीनको बेल्ट एण्ड रोड परियोजनाको जवाफका रूपमा हेरिएको छ ।