काठमाडौं । दिल्लीमा भइरहेको जी-२० सम्मेलनमा भारतका प्रधानमन्त्री मोदीले आफ्नो उद्घाटन भाषण दिँदा धेरैको ध्यान उनको टेबलमा राखिएको बोर्डतर्फ खिचिएको थियो।

उनको अगाडि राखिएको बोर्डमा ‘भारत’ लेखिएको थियो । विगतमा यस्ता अन्तर्राष्ट्रिय कार्यक्रमका अवसरमा प्रधानमन्त्री नरेन्द्र मोदीको अगाडि ‘इण्डिया’ लेखिएको देख्न पाइन्छ ।

यसैबीच गत वर्ष नोभेम्बर १५ मा इन्डोनेसियाको बालीमा भएको जी–२० देशको सम्मेलनमा प्रधानमन्त्री मोदीको अगाडि राखिएको बोर्डमा ‘इण्डिया’ लेखिएको थियो ।

हालै राष्ट्रपति द्रौपदी मुर्मुले जी–२० सम्मेलनको निमन्त्रणा पत्रमा ‘ईण्डिया’को सट्टा ‘भारत’ लेखेपछि ठूलो विवाद भएको थियो ।

कांग्रेस लगायत अन्य विपक्षी दलहरूले मोदी सरकार देशको नाम ‘ईण्डिया’बाट ‘भारत’ गर्न चाहेको बताएका छन् ।

उनीहरूले विपक्षी गठबन्धनले आफ्नो नाम ‘इण्डिया’ राखेको भन्दै अब भाजपा सरकारले जानाजानी ‘इण्डिया’को सट्टा ‘भारत’ नाम प्रयोग गरिरहेको बताए ।

पीएम मोदीले यस वर्ष जुनमा नयाँ दिल्लीमा १३ औं ब्रिक्स शिखर सम्मेलनलाई सम्बोधन गरे, जसमा उनको अगाडि राखिएको बोर्डमा इण्डिया लेखिएको थियो।