काठमाडौं । गत हप्ता, मणिपुरमा मानिसहरू र सेनाबीचको भिडन्तमा एक लेफ्टिनेन्ट कर्णेल घाइते भएका थिए।

अधिकारीहरूका अनुसार प्रतिबन्धित समूह युनाइटेड नेशनल लिबरेसन फ्रन्ट (युएनएलएफ) र पिपुल्स लिबरेशन आर्मी (पीएलए) का लडाकुहरू सेना अधिकारीमाथि गोली चलाउने भीडको हिस्सा थिए।

समाचार एजेन्सी पीटीआईअनुसार, केन्द्रीय सुरक्षा एजेन्सीहरूले चेतावनी दिएका छन् कि मणिपुरमा तनाव फैलाउनको लागि विरोध प्रदर्शनका क्रममा भीडमा ‘आतंकवादीहरू’ सामेल भइरहेका छन्।

वास्तवमा, गत हप्ता सेना र मीरा पाबिस (महिला प्रदर्शनकारी) सहितको समूहबीच झडप भएको थियो र त्यस क्रममा एक लेफ्टिनेन्ट कर्णेल घाइते भएका थिए। उक्त घटनापछि यो चेतावनी जारी गरिएको हो ।

भीडले टेंगनौपाल जिल्लाको पालेल नजिकैको मोल्नोई गाउँमा आदिवासीहरूलाई आक्रमण गर्न खोजिरहेको थियो तर उनीहरूलाई सेना र असम राइफल्सले रोकेका थिए।

अधिकारीले एजेन्सीलाई भने कि घटनाको अनुसन्धानले सुरक्षा एजेन्सीहरूलाई प्रतिबन्धित समूहका आतंककारीहरू भीडको हिस्सा भएको निष्कर्षमा पुर्याएको छ।

मणिपुरमा मे महिनादेखि हिंसा भईरहेको छ र वातावरण तनावपूर्ण छ ।