काठमाडौं । रुसी राष्ट्रपति भ्लादिमिर पुटिन र उत्तर कोरियाली नेता किम जोङ उनबीच भेटवार्ता भएको छ । दुई नेताबीच रुसको भास्टोचनी कस्मोड्रोममा भेट भएको थियो । यो रूसको स्पेस पोर्ट हो, जुन सन् २०१६ मा सुरु भएको थियो।

दुई नेताबीच भएको भेटको भिडियो रुसको टेलिग्राम च्यानलमा सार्वजनिक भएको छ । भिडियोमा दुवै नेता एकअर्कासँग हात मिलाउँदै गरेको देख्न सकिन्छ ।

किम जोङ उन रेल चढेर रुस पुगेका छन् । रुसको सिमाना छिर्दा उनलाई स्टेशनमा रातो कार्पेट बिछ्याएर स्वागत गरिएको थियो ।

पुटिनलाई भेट्नेबित्तिकै किम जोङ उनले भने- तपाईको व्यस्त समयमा पनि हामीलाई निम्तो दिनुभएकोमा धन्यवाद।

रुसको टेलिग्राम च्यानलमा अपलोड गरिएको भिडियोमा यो कुरा सुन्न सकिन्छ ।

पुटिनले किम जोङ उनलाई जवाफ दिए – तपाईलाई भेटेर खुशी लाग्यो। यो हाम्रो नयाँ कस्मोड्रोम हो।