काठमाडौं । साउथ फिल्म इन्डस्ट्रीबाट दुखद खबर आएको छ । संगीतकार, अभिनेता तथा निर्माता विजय एन्टोनीकी १६ वर्षीया छोरी मीराको निधन भएको छ । मीराले आत्महत्या गरिन् । १९ सेप्टेम्बरको बिहान मीराले आफ्नै घरमा झुण्डिएर आत्महत्या गरेकी हुन् ।

मिडिया रिपोर्टका अनुसार मीराले चेन्नईस्थित आफ्नो घरमा आत्महत्या गरेकी हुन् । त्यसपछि उनको शव निजी अस्पतालमा लगिएको थियो । त्यहाँ चिकित्सकले मीरालाई मृत घोषणा गरेका थिए । मीरा डिप्रेसनमा रहेको बताइएको छ । उनी कुनै कुराको लागि धेरै चिन्तित थिइन्। यसका लागि उनको उपचार पनि भइरहेको थियो ।

१६ वर्षीया छोरीको निधनले सिंगो परिवार नै स्तब्ध भएको छ । अभिनेता विजय एन्टोनी र उनको परिवार स्तब्ध छन्। बिहान ३ बजे परिवारले मीराको मृत्यु भएको थाहा पाए । घरका सहयोगीले मीराको शव उनको कोठामा देखेका थिए । प्रहरीले घटनाको अनुसन्धान गरिरहेको छ ।

१६ वर्षीया मीरा चेन्नईको प्रसिद्ध विद्यालयमा पढ्दै थिइन् । विजय एन्टोनीसँग भएको यो घटनालाई लिएर चलचित्र क्षेत्रका मानिसहरू र फ्यानहरुले दुःख व्यक्त गरेका छन् । अहिले विजयको परिवार नराम्रो अवस्थाबाट गुज्रिरहेको छ । सामाजिक सञ्जालमा अभिनेता र उनको परिवारलाई फ्यानहरूले साहस दिइरहेका छन् ।

विजय तमिल सिनेमाको ठूलो नाम हो। उनी चर्चित संगीतकार हुन् । वर्षौंसम्म उनले संगीत रचनामा काम गरे। यसपछि उनी निर्माता, अभिनेता, गायक, गीतकार, सम्पादक, अडियो इन्जिनियर र निर्देशक बने ।

विजयले सन् २००५ मा संगीतकारको रुपमा डेब्यु गरेका थिए । उनी नाका मुक्का गीतका लागि २००९ मा सर्वश्रेष्ठ संगीत विधामा कान्स गोल्डेन लायन अवार्ड जित्ने भारतका पहिलो संगीत निर्देशक हुन्। उनको यो गीत २०११ क्रिकेट विश्वकपमा बजाइएको थियो।

२०१२ मा उनले फिल्म नानबाट आफ्नो अभिनय डेब्यू गरे। विजय आफ्नो एक्शन थ्रिलर फिल्म सलीम र पिचाइकरनका लागि परिचित छन्। अभिनेताले फातिमासँग विवाह गरेका छन्। उनी अभिनेताको प्रोडक्सन हाउसको पनि हेरचाह गर्छिन्। विजय र फातिमाका दुई छोरी छन् मीरा र लारा। मीरा अब यस संसारमा रहिनन् ।