काठमाडौं । उत्तर प्रदेशको गोरखपुरबाट एउटा सनसनीपूर्ण घटना बाहिर आएको छ । यहाँ एक युवकले एक नाबालिग किशोरीको घाँटी थिचेर हत्या गरेका छन् । त्यसपछि आत्महत्या जस्तो देखाउन उनलाई झुण्ड्याइएको थियो ।

युवकको मृतक किशोरी र उनकी आमा दुवैसँग प्रेम सम्बन्ध थियो । किशोरीले यो कुरा थाहा पाएपछि युवकलाई विवाहका लागि दबाब दिन थालिन् ।

प्रेमीले विवाह गर्न अस्वीकार गरे। तर किशोरी अडिग रहँदा प्रेमीले उनको हत्या गर्ने योजना बनाए । त्यसपछि मौका मिल्ने बित्तिकै उनले आफ्नी नाबालिग प्रेमिकाको घाँटी थिचेर हत्या गरेका थिए । यस विषयमा एसएसपीले खुलासा गरेका छन् ।

प्रहरीका अनुसार वास्तविकता लुकाउन अभियुक्तले आफ्ना एक सहयोगीसँग मिलेर किशोरीको हत्या गरी शव झुण्ड्याएका थिए । जसले गर्दा यो आत्महत्याको घटना जस्तो देखियोस् । यस घटनामा प्रहरीले आरोपित प्रेमी र उनका साथीलाई पक्राउ गरेको छ ।

गोरखपुरका एसएसपी डा. गौरव ग्रोवरले गोरखपुर पुलिस लाइन ह्वाइट हाउसमा भएको प्रेस मिटमा घटना २६ सेप्टेम्बरको भएको बताए । उनका अनुसार क्याम्पियरगञ्ज थाना क्षेत्रमा १५ वर्षीया किशोरीले आत्महत्या गरेको जानकारी प्रहरीले पाएको थियो ।

घटनास्थलमा पुगेको प्रहरीले शवलाई नियन्त्रणमा लिएर पोस्टमार्टमका लागि पठाएको थियो । भोलिपल्ट प्राप्त पोस्टमार्टम रिपोर्टमा किशोरीलेले आत्महत्या नगरेको बरू उनको घाँटी थिचेर हत्या गरिएको खुलेको थियो ।

किशोरीका बुबा मुम्बईमा बस्छन्। छोरीको मृत्युको खबर पाएर उनी घर फर्किए र उनको हत्या गरेको आरोपमा एक व्यक्तिविरुद्ध एफआईआर दर्ता गरे। त्यसपछि प्रमाण र पोस्टमार्टम रिपोर्टका आधारमा प्रहरीले सुनिल गौरलाई नियन्त्रणमा लिएको थियो ।

सुनिल यस हत्याकाण्डमा पहिलेदेखि नै शंकाको घेरामा थिए । सोधपुछका क्रममा उनले घटनाको विस्तृत विवरण दिए । युवकको आफ्नी प्रेमिकाकी आमासँग पनि अवैध सम्बन्ध रहेको प्रहरीले खुलासा गरेको छ । उनी गाउँमा पराल ढुवानी गर्न आउने गर्थे । त्यसपछि उनले आमा छोरी दुवैसँग सम्बन्ध स्थापित गरे ।

दुवैसँग उनको सम्बन्ध थियो । किशोरीको हत्या भएको दिन किशोरीकी आमा कसैको मृत्युमा सान्त्वना दिन गएकी थिइन् । किशोरीलाई एक्लै देखेर आरोपी उनीकहाँ गए । विवाहलाई लिएर दुवैबीच विवाद सुरु भयो । यही विवादका बीच अभियुक्तले पहिले किशोरीलाई यौन दुर्व्यवहार गरेपछि घाँटी थिचेर हत्या गरेका थिए । यसपछि उनले आफ्ना एक साथीको सहयोग लिए ।

उनीहरुले मिलेर किशोरीलाई कपडाले छतमा झुण्ड्याएका थिए । ती दुवैले किशोरीले आत्महत्या गरेको भनी मानिसहरूलाई भ्रममा पार्ने प्रयास गरे तर पोस्टमार्टम रिपोर्टमा हत्या भएको खुलासा भयो र उनीहरू पक्राउ परे । हाल थप कारबाही भइरहेको छ ।