काठमाडाैं। संख्याका हिसावले सर्बाधिक बढी नेपाल भित्रने पर्यटक भारतीय भएको विभिन्न तथ्यांकहरुले देखाएकाे छ। असोज २० गते शनिबार ८० भन्दा बढी भारतीय पर्यटकले जहाज नै चार्टर गरेर माउन्टेन फ्लाईटको आनन्द उठाएका छन्।

यति एअरलाईन्सका दुई एटिआर ७२ विमान चार्टर्ड गरेर माउन्टेन फ्लाइटमार्फत नेपालका विभिन्न हिमश्रृखंलाको अबलोकन भ्रमण गरेका भारतीय पर्यटक एकप्स सिस्टम इण्डियाका संस्थापक तथा पार्टनरहरु हुन्।

काठमाडौंको ह्यात होटलमा तिन दिने कर्पोरेट कन्फ्रेन्समा सहभागी हुन विभिन्न भारत तथा युएईमा रहेको एकप्सको कार्यालयबाट आएका भारतीय नागरिकहरुले यो माउण्टेन फ्लाइटको अनुभव लिएका हुन्।

नेपालका हवाई क्षेत्र खस्कँदो अवस्थामा रहेको बेलामा हाईप्रोफाइल भारतीय पर्यटकको यो माउण्टेन फ्लाइटमा रहेको यो विशेष चासोले नेपालको उड्डयन तथा पर्यटन क्षेत्रमा ठूलो सकारात्मक सन्देश प्रवाह गरेको छ।

यसले नेपालको हवाइ क्षेत्र माथि विश्वासनीयता बढेको छ भने छोटो समयमा पर्यटकीय गन्तब्यको सहज अनुभव हाँसिल गर्न सकिने माउण्टेन फ्लाइटका बारेमा समेत थप प्रबद्र्धन मिलेको छ।

यो चार्टर अपरेसनको जिम्मा लिएको सस्तो टिकटस् डट कमका एकाउण्ट म्यानेजर मनिस महर्जनले कुनै एकै कम्पनीको अगुवाईमा एकै पटक माउण्टेन फ्लाईटका लागि दुई वटा विमान नै चार्टर भनेको नेपालको यो पहिलो अवसर भएको बताउँदै यसबाट नेपालको पर्यटकीय संभावना असिमित भएको प्रमाणित भएको पनि प्रष्ट पारे।

सस्तो टिकटस् डट कम नेपालको सर्बाधिक ठूलो अनलाइन ट्राभल एजेन्सी पनि हो। नेपाली सिप र प्रविधिमा आधारीत यो अनलाईन ट्राभल एजेन्सि मार्फत सस्तो मूल्यमा जुनसुकै गन्तब्यका लागि टिकट काट्न सकिन्छ भने यसको पोर्टलबाट विभिन्न किसिमका ट्राभल प्याकेज पनि खरिद गर्न सकिन्छ।

यो चार्टर उडानका लागि यति एअरलाईन्सले छोटो सूचनामा विमान उपलब्ध गराउन सकेकोमा एकप्सका तर्पबाट बृजेस बर्माले यति एअरलाइन्सलाई हार्दिक धन्यबाद दिए। उनले भने, यो उडान मेरा र हाम्रा सबै यात्रुहरुकालागि जीवनकै अविष्मरणीय अनुभव थियो। हामी विश्वको सर्बोच्च शिखर सगरमाथाको यितीनजिक थियौं कि त्यो अनुभव शब्दमा बर्णन गर्नै सकिँदैन।’