काठमाडौं । ह्वाइट हाउसले इजरायलले अल अहली अस्पतालमा भएको आक्रमणमा जिम्मेवारीलाई स्पष्ट रूपमा अस्वीकार गरेको र यसमा आफ्नो कुनै सम्बन्ध नभएको बताएको जानकारी दिएको छ।

ह्वाइट हाउसका प्रवक्ता जोन किर्बीले गाजा सहरको अस्पतालमा भएको आक्रमणमा इजरायलको संलग्नता नभएको अमेरिकाले बुझेको बताए ।

प्यालेस्टिनी क्षेत्रका अधिकारीहरूले यस अस्पतालमा भएको आक्रमणमा कम्तीमा ५०० जनाको मृत्यु भएको दाबी गरेका छन् । हमासले यसका लागि इजरायललाई जिम्मेवार ठहर गरेको छ ।

यसैबीच इजरायलले यस हमलामा आफ्नो भूमिकालाई अस्वीकार गर्दै यो हमला ‘प्यालेस्टिनी इस्लामिक जिहाद’को रकेटको परिणाम भएको बताएको छ । यस चरमपन्थी संगठनले पनि आफ्नो जिम्मेवारी अस्वीकार गरेको छ।

यसैबीच बेलायती विदेशमन्त्री जेम्स क्लिभर्लेको बयान पनि आएको छ ।

गाजाका निर्दोष मानिसहरूलाई सुरक्षा दिइनुपर्नेमा यो कसरी भयो भनेर आफ्ना सहकर्मीहरूसँग पत्ता लगाउने प्रयास गर्ने उनले बताए।

संयुक्त राष्ट्रसंघका महासचिव एन्टोनियो गुटेर्रेसले आक्रमणको निन्दा गर्दै मानवीय आधारमा तत्काल युद्धविराम हुनुपर्ने भन्दै जनताको पीडा कम गर्न सकिने बताए । धेरै मानिसहरूको जीवन र यस क्षेत्रको भाग्य सन्तुलनमा झुण्डिएको छ। प्रदर्शनहरू भएका छन्।