काठमाडौं । अमेरिकाले इरानमाथि नयाँ प्रतिबन्धको घोषणा गरेको छ । विदेशमन्त्री एन्टोनी ब्लिन्केनले ट्वीटमा भनेका छन्, “आज अमेरिकाले इरानको ब्यालेस्टिक मिसाइल र ड्रोन कार्यक्रम रोक्न नयाँ प्रतिबन्ध लगाएको छ।”

इरानमाथिको संयुक्त राष्ट्रसंघीय प्रतिबन्ध बुधबार समाप्त भएको छ, जसलाई ध्यानमा राख्दै अमेरिकाले नयाँ प्रतिबन्धको घोषणा गरेको छ । कम्पनीहरूलाई इरानलाई संवेदनशील प्रविधि नबेच्न चेतावनी दिइएको छ।

इजरायल र हमासबीच द्वन्द्व जारी रहेको बेला अमेरिकाले यो प्रतिबन्ध घोषणा गरेको हो ।

अमेरिकी अधिकारीहरूले इजरायलमा हमासको आक्रमणमा इरानको भूमिकाको अहिलेसम्म कुनै प्रमाण नभेटिएको तर इरानले हमासलाई लामो समयदेखि सहयोग गरिरहेको बताउँछन्।

संयुक्त राष्ट्रसंघको प्रतिबन्धको अन्त्य भएपछि इरानलाई मिसाइल बनाउन र मिसाइल र ड्रोन प्रविधि निर्यात गर्न सहज हुने अमेरिका र उसका सहयोगीहरूलाई डर छ।