१८ औँ एशियन गेम्स : जापानसँग नेपाल १-० गोलले पराजित
काठमाडौँ । इन्डोनेशियामा हुने १८ औँ एशियन गेम्सअन्तर्गत पुरुष फुटबलमा आज नेपाल जापानसँग १-० गोलले पराजित भएको छ।
इन्डोनेशियाको सिकाराङस्थित विबावामुक्ति रङ्गशालामा भएको खेलामा १८ मिनेट सकिँदा जापानले नेपालविरुद्ध एक गोल गरेको थियो। त्यहि गोलले जापानलाई जित दिलाएको छ भने नेपाल पराजित भएको छ।
इन्डोनेसियामा आगामी भदौ २ देखि औपचारिकरुपमा उद्घाटन हुने १८ औँ एशियाली खेलकूदको फुटबलतर्फको प्रतिस्पर्धा भने अहिले चलिरहेको छ। थाइल्याण्डमा १० दिनको विशेष प्रशिक्षण सकेर इन्डोनेशिया पुगेको नेपाली टोलीले आज जापानसँग खेलेको थियो ।
प्रतिक्रिया
Facebook Comment