काठमाडौं । इजरायलका प्रधानमन्त्री बेन्जामिन नेतान्याहुले आफ्नो देशले ‘हमासविरुद्धको युद्ध जारी राखेर जित्ने’ बताएका छन्।

मङ्गलबार गाजामा लडिरहेका ११ इजरायली सैनिकको मृत्यु भएको पुष्टि भएको छ । इजरायली सेनाका अनुसार उनीहरूको उमेर १९ देखि २४ वर्षको बीचमा थियो।

यसपछि इजरायलका प्रधानमन्त्री नेतन्याहुले आफ्नो पहिलो वक्तव्यमा भने, ‘हामी कठिन युद्ध लडिरहेका छौं। यो लामो लडाई हो। हामीले यसमा उल्लेखनीय सफलता हासिल गरेका छौं, तर पीडादायी नोक्सान पनि भएको छ।”

उनले भने, ‘हामीलाई थाहा छ हाम्रा हरेक सिपाही सारा संसारका लागि बराबर छन् ।’

“एक राष्ट्रको रूपमा, सम्पूर्ण इजरायलले तपाइँ र तपाइँको परिवारलाई अँगालेको छ,” नेतान्याहुले भने “दुःखको घडीमा हामी तपाईहरुको साथमा छौ ।”

उनले भने, “म तपाइँहरूलाई प्रतिज्ञा गर्छु, इजरायलका मानिसहरू, हामी यो मिसन पूरा नभएसम्म जारी राख्नेछौं, हामी विजय हासिल नगरेसम्म लडिरहनेछौं।”