काठमाडौं । अक्टोबर ७ मा हमासको सैन्य शाखा अल कसम ब्रिगेडले इजरायलमा गरेको आक्रमणपछि पहिलो पटक रफाह क्रसिङ सर्वसाधारणका लागि खुला गरिएको छ।

बुधवार, घाइते र विदेशी नागरिकहरूलाई बाहिर जान अनुमति दिइएको थियो र राहत सामग्री बोकेका २० ट्रक गाजा प्रवेश गर्न अनुमति दिइएको थियो।

यहाँ उपस्थित बीबीसी संवाददाता रुश्दी अबु अल्लुफका अनुसार २० एम्बुलेन्स गाडी र १५० जना मानिस गाजाबाट रफाह क्रसिङ हुँदै इजिप्ट प्रवेश गरेका छन् ।

हाल, ३५० जना व्यक्तिहरू गाजा पक्षमा आफ्नो कागजातहरू प्रमाणित गर्न पर्खिरहेका छन्।

पछिल्लो जानकारी अनुसार बुधबार दोहोरो नागरिकता भएका ११० जना इजिप्ट प्रवेश गरेका छन् ।

गाजा तर्फ एक जना प्यालेस्टिनी अधिकारी मात्रै छन् जसलाई छोड्ने अनुमति दिइएको छ।

ती एम्बुलेन्स सवारी साधनमा गम्भीर घाइतेलाई लगिएको छ ।

इजिप्टमा रफाह क्रसिङबाट १० किलोमिटरको दूरीमा फिल्ड अस्पताल निर्माण गरिएको छ जहाँ घाइतेको उपचार हुनेछ।

हालसम्म प्राप्त जानकारी अनुसार आज ८८ घाइते र ५०० भन्दा बढी विदेशी तथा दोहोरो नागरिकता भएका व्यक्तिलाई राफा क्रसिङबाट आवतजावत गर्न दिइएको छ ।