काठमाडौं । इजरायल र हमासबीचको युद्धका बीच एयर इन्डियाले ३० नोभेम्बरसम्म तेल अभिभका लागि उडान बन्द गरेको छ ।

एयरलाइन्सका प्रवक्ताले आइतवार समाचार एजेन्सी पीटीआईलाई भने कि तेल अभिभका लागि उडान नोभेम्बर ३० सम्मका लागि स्थगित गरिएको छ।

सामान्यतया एयर इन्डियाको दिल्ली देखि तेल अभिभ सम्म साप्ताहिक रूपमा पाँच उडानहरू छन् – सोमबार, मंगलबार, बिहीबार, शनिबार र आइतवार।

गत महिना, एयरलाइन्सले बढ्दो द्वन्द्वका कारण इजरायलबाट फर्कन चाहने भारतीयहरूलाई फिर्ता ल्याउन सरकारको अपरेसन अजय अन्तर्गत दिल्लीबाट तेल अवीवका लागि केही चार्टर्ड उडानहरू सञ्चालन गरेको थियो।

हमासको मन्त्रालयका अनुसार गाजामा हालसम्म ९७०० जनाको मृत्यु भइसकेको छ ।

अमेरिकी विदेशमन्त्री एन्टोनी ब्लिन्केन आइतबार वेस्ट बैंक र इराकको कूटनीतिक भ्रमण गरी सोमबार टर्की पुगेका छन्। अमेरिकाले युद्धलाई अस्थायी रूपमा रोक्न खोजिरहेको छ, यद्यपि इजरायल यसको विरुद्धमा छ।

इजरायली सेनाले गाजालाई दुई भागमा विभाजन गरेको र गाजालाई चारैतिरबाट घेरेको जनाएको छ ।