काठमाडौं । संयुक्त राष्ट्रसंघको प्यालेस्टाइन शरणार्थी एजेन्सीले त्यहाँ ७ लाख ८० हजार मानिसले शरण लिएको बताएको छ।

संयुक्त राष्ट्र प्यालेस्टाइन शरणार्थी एजेन्सीले आफ्नो इन्धन डिपो खाली भएको जानकारी दिएको छ। एजेन्सीका अनुसार यी डिपोबाट इन्धन आपूर्ति भइरहेको थियो ।

एजेन्सीका सञ्चार निर्देशक जुलिएट टोमाले बीबीसीलाई यस अवस्थामा गाजामा सञ्चालन भइरहेको मानवीय अभियान ‘खतरामा पर्न सक्ने’ बताइन्।

उनले भनिन्, ‘हामीले गाडी चलाउन पाउँदैनौँ । बेकरीहरूलाई पिठो आपूर्ति गर्न सक्षम हुनेछैनौं। हामीले स्वास्थ्य केन्द्रलाई इन्धन दिन सक्दैनौं। हामीले आज इन्धन डेलिभर गर्यौं तर यो अन्तिम खेप थियो।”

जुलिएटले भनिन्, ‘यहाँ ७ लाख ८० हजार मानिसले आश्रय लिएका छन् । हामी तिनीहरूलाई मद्दत गर्न सक्षम हुनेछैनौं। ”

प्राधिकरणले निजी क्षेत्रबाट प्राप्त इन्धन प्रयोग गरिरहेको उनले बताइन् । इजरायली अधिकारीसँग ‘समन्वय’ गरेर डिपोबाट तेल पनि लिइरहेको तर अहिले त्यो पनि ‘सकिसकेको’ उनले बताइन् ।

“हामीलाई अहिले इन्धन चाहिन्छ। तुरुन्तै,” उनले भने।