काठमाडौं । म्यानमारको सैन्य सरकारले चिनियाँ नागरिकलाई ठगी गरेको आरोपमा ३१ हजार संदिग्धलाई चीनलाई सुम्पेको छ । उनीहरुमाथि फोन र इन्टरनेटको माध्यमबाट चिनियाँ नागरिकलाई ठगी गरेको आरोप छ ।

पछिल्ला केही हप्ताहरूमा चिनियाँ सरकारले म्यानमारको सीमाना नजिक बसोबास गर्ने आपराधिक गिरोहहरू विरुद्धको अभियानलाई तीव्र पारेको छ। यी आपराधिक गिरोहहरू चीनसँगको म्यानमार सीमा नजिक सक्रिय छन्। र त्यहाँबाट तिनीहरूले चिनियाँ नागरिकहरूलाई निशाना बनाउँछन्।

तर यति ठूलो संख्यामा मानिसहरूलाई चीनको हातमा सुम्पिनुको एउटा कारण म्यानमारको सेना र जातीय समूहहरूबीचको हिंसा हो।

यी मध्ये ६३ जना आपराधिक गिरोहका शीर्ष नेता रहेको चीनले जनाएको छ । यद्यपि, संयुक्त राष्ट्र संघ भन्छ कि अनलाइन ठगी गर्ने मानिसहरूलाई कहिलेकाहीं जानाजानी यो काम गर्न गर्न बाध्य पारिन्छ।