काठमाडौं । अमेरिकाका पूर्व विदेशमन्त्री हेनरी किसिन्जरको १०० वर्षको उमेरमा निधन भएको छ । उनले कनेक्टिकटस्थित आफ्नै घरमा अन्तिम सास लिए ।

किसिन्जर एक राजनीतिज्ञ र एक प्रसिद्ध कूटनीतिज्ञ थिए। जसले राष्ट्रपति रिचर्ड एम. निक्सन र जेराल्ड फोर्डको शासनकालमा अमेरिकी विदेश नीतिमा अभूतपूर्व काम गरे।

उनी विदेशमन्त्री हुनुका साथै ह्वाइट हाउसको राष्ट्रिय सुरक्षा सल्लाहकार पनि थिए र दुवै पद एकैसाथ सम्हालेका उनी एकमात्र नेता थिए।

अमेरिकी विदेश नीतिमा उनको नियन्त्रण कुनै पनि अमेरिकी राष्ट्रपतिको भन्दा बढी रहेको बताइन्छ ।

सन् १९३८ मा नाजी जर्मनीबाट भागेर यहूदी आप्रवासीको रूपमा अमेरिका आइपुग्दा उनले अङ्ग्रेजी निकै कम बोल्थे। तर उनले हार्वर्डबाट स्नातक गरे, इतिहासमा मेजर गरे, र लेखकको रूपमा आफ्नो सीप प्रयोग गरे।

राजनीतिमा आउनुअघि उनी हार्वर्डमा पढाउँथे ।