उदयपुर । उदयपुरको लिम्चुङ्बुङ गाउँपालिकाको समृद्धि र विकासको लागि सबै क्षेत्रहरुको सहयोग र हातेमालो आवश्यक रहेको अध्यक्ष मेजर राईले बताएका छन् ।

लिम्चुङ्बुङ गाउँपालिकाको आयोजनामा ‘एउटै पुस्तामा समृद्ध बनाउने लिम्चुङ्बुङको सपना’ भन्ने मूल नाराको साथ सोमबार बाराहामा भव्य आम नागरिक समारोह सभामा अध्यक्ष राईले यस्तो बताएका हुन् ।

राईले लिम्चुङ्बुङ समृद्धिको लागि केन्द्रीय, प्रदेश र स्थानीय सरकारको भूमिका महत्वपूर्ण रहने बताए । यस्तै पर्यटन व्यावसायी रामसुन्दर बकेले गाउँपालिकाले देखेको सपनामा सदैव हातमालो रहने बताए । स्थानीयको सपना नै आफ्नो सपना भएकाले जे पाक्छ त्यहि बिक्छ अभियानमार्फत जोडिएको उनले बताए ।