काठमाडौं । मध्यपूर्वमा बढ्दो तनावका बीच इरानको नौसेनाले नयाँ क्रुज मिसाइलहरू प्राप्त गरेको छ ।

समाचार एजेन्सी रोयटर्सका अनुसार इरानको नौसेनाले एक हजार किलोमिटरसम्म मार हान्न सक्ने नयाँ क्रुज मिसाइलहरू हासिल गरेको छ। यसबाहेक नौसेनासँग जासुसी हेलिकप्टर पनि छ ।

यसैबीच अमेरिकाले इरानले हिन्द महासागरमा रहेको रासायनिक ट्याङ्करमा ड्रोन हमला गरेको आरोप लगाएको छ ।

इरानी नौसेना प्रमुख शाहराम इरानीले मिडियालाई दिएको बयानमा भने, ‘तालियाह क्रुज मिसाइलको दायरा एक हजार किलोमिटरभन्दा बढी छ। यो एक स्मार्ट मिसाइल हो जसले मिशनको बीचमा आफ्नो लक्ष्य परिवर्तन गर्न सक्छ।’

नौसेना प्रमुखका अनुसार यसबाहेक इरानको नौसेनाले नयाँ जासुसी हेलिकप्टर, आक्रमण ड्रोन र समुद्री क्रुज मिसाइलहरू पनि प्राप्त गरेको छ।

यी सबै नयाँ हतियारहरू इरानको सैन्य उद्योगमा निर्माण गरिएको हो।

पश्चिमी विश्लेषकहरू विश्वास गर्छन् कि इरानले आफ्नो सैन्य क्षमता बढाइचढाइ गरेको छ। यद्यपि, इरानी सेनासँग भएका अधिकांश हतियारहरू क्षेप्यास्त्र र ड्रोनहरू समेत स्वनिर्मित छन्।