काठमाडौं । जापानमा गएको भूकम्पमा हालसम्म ३० जनाको मृत्यु भइसकेको छ ।

यस भूकम्पको समयमा भारतीय चलचित्र अभिनेता जुनियर एनटीआर पनि जापानमा थिए । जुनियर एनटीआर अहिले भारत फर्किएका छन् ।

जुनियर एनटीआरले सामाजिक सञ्जालमा यसबारे जानकारी दिएका हुन् ।

जुनियर एनटीआरले भने, ‘आज म जापानबाट स्वदेश फर्किएको छु । भूकम्पले स्तब्ध भएको छु । गत साता जापानमा थिएँ । भूकम्प पीडितहरुप्रति मेरो सहानुभूति छ । मलाई आशा छ कि मानिसहरू चाँडै निको हुनेछन्। बलियो रहनुहोस्, जापान।

समाचार एजेन्सी पीटीआईका अनुसार जुनियर एनटीआरको फिल्म आरआरआरले सन् २०२२ मा जापानमा राम्रो कमाई गरेको थियो ।

फिल्मले जापानी बक्स अफिसमा २४ करोडभन्दा बढीको कमाई गरेको थियो । जुनियर एनटीआर बाहेक यस फिल्ममा रामचरण पनि थिए ।