काठमाडौं । टोकियोको हानेदा विमानस्थलमा कोस्ट गार्डको विमानसँग ठोक्किएको जापान एयरलाइन्सको विमानका पाइलटलाई सुरुमा आफ्नो विमानमा आगो लागेको थाहा थिएन ।

जापान एयरलाइन्सका प्रवक्ताले बीबीसीलाई विमान परिचारकले विमानमा आगो लागेको बारे पाइलटलाई जानकारी गराएको बताए। त्यसपछि मात्र उडान ५१६ मा रहेका सबै ३७९ यात्रुलाई सुरक्षित बाहिर निकाल्ने अभियान सुरु गरिएको थियो ।

यो अभियान बिना कुनै गल्ती सफल भयो जसको लागि विश्वभर प्रशंसा भइरहेको छ। कोस्ट गार्डको विमान बम्बार्डियर ड्यास–८ मा सवार ६ मध्ये पाँच जनाको दुर्घटनामा मृत्यु भएको थियो ।

जापान एयरलाइन्सका प्रवक्ताले भने, “विमान अवतरण गरेको केही समयपछि पाइलटले एक्कासी झटका महसुस गरे। उनले रनवेमा कायम रहिरहनका लागि विमानको नियन्त्रण गुमाए। विमानमा आगो लाग्यो तर पाइलट सुरुमा यसबारे अनभिज्ञ थिएइ । केबिन क्रूले उनलाई यस बारे जानकारी दिए।”

घटनाको समयमा विमानमा तीन पाइलट र १२ उडान परिचर ड्युटीमा थिए। विमानको घोषणा प्रणालीमा क्षति पुगेपछि चालक दलका सदस्यहरूले मेगाफोनमा ठूलो स्वरमा यात्रुहरूलाई सुरक्षित निकासीका लागि निर्देशन दिन थाले।