काठमाडौं । ब्राजिलका सर्वकालीन महान फुटबल खेलाडीमध्येका एक मारियो जागालोको शुक्रबार ९२ वर्षको उमेरमा निधन भएको छ ।

एक खेलाडीको रूपमा उनले आफ्नो टोलीलाई पहिलो पटक (१९५८ मा) विश्व च्याम्पियन बनाउन योगदान दिए। अर्को विश्वकप (१९६२) मा पनि उनले आफ्नो टिमलाई विश्व च्याम्पियन बनाउन सफल भए ।

यद्यपि, जब उनको प्रशिक्षणमा उनले ब्राजिललाई १९७० मा विश्व च्याम्पियन बनाए त्यतिबेला उनले खेलाडी भन्दा बढी मान्यता पाए।

ब्राजिल फुटबलमा तेस्रो पटक विश्व च्याम्पियन बनेको थियो र तीन पटक मारियो जागालो टोलीसँग थिए। पहिलो दुई पटक खेलाडी र तेस्रो पटक प्रशिक्षकको रुपमा ।

संयोगवश, महान फुटबलर पेले तीन पटक ब्राजिलबाट खेलिसकेका थिए ।

यति मात्र होइन, उनले सन् १९९४ मा ब्राजिल फुटबल टिमको प्राविधिक निर्देशकको भूमिका निर्वाह गरे र त्यतिबेला पनि ब्राजिल विश्व च्याम्पियन बन्न सफल भयो ।

धेरै स्वास्थ्य समस्याका कारण उनी सन् २००६ मा यस खेलबाट टाढिए ।