काठमाडौं । इजरायलको सेनाले उत्तरी गाजा पट्टीमा रहेको हमासको कमाण्ड संरचनालाई ध्वस्त पारेको जनाएको छ ।

इजरायली सेनाका प्रवक्ता डेनियल हगारीले पत्रकारहरूलाई भने – यस क्षेत्रमा प्यालेस्टाइनी लडाकुहरू अब छिटपुट र “कमान्डरहरू बिना” चलिरहेका छन्।

उनले भने – इजरायलले उत्तरी गाजामा हालसम्म ८ हजार भन्दा बढी लडाकू मारेको छ। तर, अन्तर्राष्ट्रिय मिडियाले इजरायलको यो दाबीलाई स्वतन्त्र रूपमा पुष्टि गर्न सकेका छैनन् ।

ड्यानियल हगारीले इजरायलको ध्यान अहिले दक्षिणी र मध्य गाजामा हमासलाई ध्वस्त पार्ने कुरामा केन्द्रित रहेको बताएका छन् ।

गाजामा हमास नियन्त्रित स्वास्थ्य मन्त्रालयले दावी गरेअनुसार इजरायलले गाजामा गत तीन महिनामा २२ हजार भन्दा बढी मानिसको हत्या गरेको छ।

शनिबार भने पछिल्लो २४ घण्टामा १२० जनाभन्दा बढीको मृत्यु भएको छ ।

इजरायलको बमबारीका कारण गाजामा चारैतिर विनाश छ र २३ लाख मानिस विस्थापित भएका छन् ।