काठमाडौं । अमेरिकाको ओरेगनमा प्रहरीले एक विद्यालयमा ह्यान्ड ग्रेनेड अर्थात् एक प्रकारको बम भेटिएको जानकारी पायो । बालबालिकाको सुरक्षा खतरामा देखेर प्रहरी हतारमा पुग्यो । प्रहरीले आफ्नो फेसबुक पेजमा यस विषयमा विस्तृत विवरण दिएको छ ।

ह्यान्ड ग्रेनेडको तस्बिर सेयर गर्दै प्रहरीले लेख्यो- ‘यो प्याटन मिडिल स्कुलको रनिङ ट्र्याकमा फेला परेको थियो र विद्यालय भवनबाट केही दूरीमा रहेको थियो । बमको सूचना पाएपछि प्रहरीले कुनै जोखिम नलिई पहिलो काम ड्रोनको सहयोगमा यसको क्लोजअप फोटो खिच्ने गरेको थियो । यस अवधिमा विद्यालयका बालबालिकालाई भवनको एक छेउमा सुरक्षित राखिएको थियो ।

ड्रोनले खिचेको तस्बिर जुम गरेर हेरेपछि आफूहरु छक्क परेको प्रहरीले जनाएको छ । वास्तवमा, पुलिसले ह्यान्ड ग्रेनेड भनेको वस्तु कुकुरको दिसाजन्य फोहोर फाल्ने डिस्पेन्सर झोला थियो जुन ह्यान्ड ग्रेनेडको डिजाइनमा डिजाइन गरिएको थियो। यसलाई अहिले विद्यालयको क्षेत्रबाट हटाइएको छ ।