काठमाडौं। अस्ट्रेलियाले वेस्ट इन्डिजविरुद्धको एकदिवसीय र टेष्ट सिरिजका लागि टिमको घोषणा गरेको छ ।

एकदिवसीय र टेस्टबाट सन्यास लिएका डेभिड वार्नरको स्थानमा स्टिभ स्मिथ टेस्टमा ओपनरको भूमिकामा देखिने भएका छन् । त्यस्तै स्मिथले वेस्ट इन्डिजविरुद्धको एकदिवसीय टोलीको नेतृत्व पनि सम्हाल्नेछन्।

ब्याकअप ओपनरका रूपमा म्याट रेन्साले पनि टेष्ट टोलीमा स्थान पाएका छन्। नियमित कप्तान प्याट कमिन्सले एकदिवसीय सिरिज खेल्ने छैनन्। उनलाई सिरिजबाट आराम दिइएको छ । टोलीले डिसेम्बर १७ बाट घरेलु मैदानमा वेस्ट इन्डिजसँग २ टेस्टको सिरिजको पहिलो खेल खेल्नेछ।

स्मिथले पहिलो पटक टेष्टमा ओपनिङ गर्ने भएका छन्। मुख्य चयनकर्ता जर्ज बेलीले डेभिड वार्नरको स्थानमा स्मिथ ओपनिङ गर्ने पुष्टि गरेका छन्। उनले उस्मान ख्वाजालाई साथ दिनेछन्। तीनवटै फर्म्याटमा अष्ट्रेलियाको कप्तानी गरेका स्मिथले हालसम्म १०५ टेस्ट खेलिसकेका छन् । तर एकपटक पनि ओपन गर्ने मौका पाएनन् । यस्तो अवस्थामा उनी वेस्ट इन्डिजविरुद्ध पहिलो पटक ओपनिङमा देखिनेछन् ।

स्मिथले टोली घोषणा हुनुअघि नै टेष्ट ढाँचामा ओपनिङ गर्न चासो देखाएका थिए । पाकिस्तानविरुद्धको सिड्नी टेस्टअघि स्मिथले आफू ओपनिङ गर्न चाहेको बताएका थिए। तर, टोलीका कप्तान प्याट कमिन्स भने स्मिथलाई मध्यक्रमबाट हटाउने पक्षमा थिएनन् । किनभने स्मिथ सन् २०१३ देखि लगातार चौथो नम्बरमा ब्याटिङ गरिरहेका छन्।

कप्तान प्याट कमिन्सलाई वेस्ट इन्डिजविरुद्धको एकदिवसीय सिरिजमा आराम दिइएको छ। उनीहरुसँगै मिचेल स्टार्क, जोस हेजलवुड र मिचेल मार्सले पनि एकदिवसीय सिरिज खेल्ने छैनन् । यस अवधिमा स्टिभ स्मिथले टोलीको कप्तानी गर्नेछन्।

टोलीमा फास्ट बलर लान्स मोरिस, जे रिचर्डसन, आरोन हार्डी, म्याट सर्ट र नाथन एलिसलाई मौका दिइएको छ । जब कि मार्कस स्टोइनिस बाहिरिएका छन् ।

अष्ट्रेलियाको टोली

पहिलो टेस्टको टिमः प्याट कमिन्स (कप्तान), उस्मान ख्वाजा, म्याट रेन्सा, मार्नस लाबुस्चेन, स्टिभ स्मिथ, ट्राभिस हेड, मिचेल मार्स, एलेक्स केरी, नाथन लियोन, मिचेल स्टार्क, जोस हेजलवुड, स्कट बोलान्ड र क्यामरुन ग्रीन।

एकदिवसीय टोलीः स्टिभ स्मिथ (कप्तान), शन एबोट, नाथन एलिस, क्यामरन ग्रीन, आरोन हार्डी, ट्राभिस हेड, जोस इङ्लिस, मार्नस लाबुस्चेन, ग्लेन म्याक्सवेल, लान्स मोरिस, झे रिचर्डसन, म्याट शर्ट र एडम जाम्पा।