काठमाडौं । बेलायतले पछिल्लो ७० वर्षमा आणविक ऊर्जाको क्षेत्रमा सबैभन्दा ठूलो विस्तार गर्न लागेको छ र यसले आणविक ऊर्जा क्षेत्रसँग सम्बन्धित उद्योगहरूलाई प्रोत्साहन दिने सरकारको आशा छ।

नयाँ र ठूला आणविक प्लान्टले सन् २०५० सम्ममा आणविक आपूर्तिलाई चार गुणा बढाउने, बिल घटाउने र ऊर्जा सुरक्षामा सुधार गर्ने सरकारको दाबी छ।

बेलायती सरकारले आफ्नो ३०० मिलियन पसउण्डको आणविक इन्धन कार्यक्रमले विदेशबाट आपूर्तिमा निर्भरता पनि कम गर्ने बताएको छ।

तर नवीकरणीय ऊर्जा र स्वच्छ प्रविधि संघ (आरईए) ले सबै स्वच्छ ऊर्जालाई द्रुत ट्र्याकिङ आवश्यक रहेको बताएको छ।

आणविक ऊर्जाले बेलायतको ऊर्जाको १५ प्रतिशत आपूर्ति गर्दछ, तर देशका धेरै रिएक्टरहरू पुराना हुँदैछन् र बदल्न आवश्यक छ।

सरकारको सिभिल न्यूक्लियर प्रोग्राम रोडम्यापले यूकेको ऊर्जा स्वतन्त्रतालाई सुदृढ पार्ने र आणविक पावर स्टेशनको लागि नयाँ साइट खोजेर विदेशी देशहरूमा निर्भरता कम गर्ने लक्ष्य राखेको छ।