काठमाडौं । ओपेनहाइमर र बार्बी फिल्मले ओस्कार मनोनयनमा सबैभन्दा बढी नामांकन पाएका छन्।

ओपेनहाइमरले सबैभन्दा बढी १३ मनोनयन प्राप्त गरेको छ भने ग्रेटा गेर्विगको फिल्म बार्बीले ८ मनोनयन प्राप्त गरेको छ ।

योसँगै पुअर थिङ्सले ११ मनोनयन, मार्टिन स्कोरसेजको फिल्म किलर्स अफ द फ्लावर मुनले १० र मास्टर्सले सात मनोनयन प्राप्त गरेको छ ।

बार्बीकी मुख्य नायिका मार्गोट रोबीले सर्वोत्कृष्ट अभिनेत्रीको मनोनयन पाएकी छैनन् र फिल्मकी निर्देशक ग्रेटा गेर्विगले पनि उत्कृष्ट निर्देशकको विधामा मनोनयन पाएकी छैनन् ।

बार्बी २०२३ को सबैभन्दा धेरै कमाउने फिल्महरू मध्ये एक हो र महिला निर्देशक द्वारा विश्वको सबैभन्दा धेरै कमाउने फिल्म हो। यसले विश्वव्यापी रूपमा १.४४ बिलियन डलर कमाएको छ।

ओपेनहाइमर र बार्बी दुबै उत्कृष्ट चित्र मनोनीतहरूको सूचीमा समावेश छन्। क्रिस्टोफर नोलन र मार्टिन स्कोरसेज पनि उत्कृष्ट निर्देशकको सूचीमा परेका छन् ।