काठमाडौं । इरानको सरकारी मिडियाका अनुसार एक व्यक्तिले आफ्नै परिवारका १२ सदस्यको गोली हानी हत्या गरेका छन् ।

इरानमा यस्तो फायरिङको यो दुर्लभ घटना हो।

रिपोर्टका अनुसार यो घटना केरमान प्रान्तमा भएको हो। यहाँ एक तीस वर्षीय युवकले कलाश्निकोभ राइफलले आफ्नै बुबा र भाइसहित परिवारका १२ जनाको हत्या गरेका छन् ।

आक्रमणकारीलाई पछि सुरक्षा बलले मारेको थियो। इरानमा यस्ता गोलीबारीका घटना विरलै हुने गरेका छन् ।

यहाँ सर्वसाधारणले शिकारका लागि मात्र बन्दुक राख्न पाउँछन् । सर्वसाधारणले स्वचालित हतियार बोक्न पाउँदैनन् ।