अन्डरवर्ल्ड डन अमिर बालाज टिपुको गोली हानी हत्या
![अन्डरवर्ल्ड डन अमिर बालाज टिपुको गोली हानी हत्या](https://www.dcnepal.com/wp-content/uploads/2024/02/huoje948_ameer-balaj-tipu-facebook_625x300_19_February_24.webp)
काठमाडौं । अन्डरवर्ल्ड डन अमिर बालाज टिपुको पाकिस्तानको लाहोरमा हत्या भएको छ । उनलाई विवाह समारोहमा गोली प्रहार गरिएको थियो । सो क्रममा आक्रमणकारी पनि मारिएका थिए । अमिर बलाज टिपु सामान ढुवानी नेटवर्कका मालिक थिए ।
पाकिस्तानी मिडिया डनका अनुसार आमिरको लाहोर र पूरै पाकिस्तानमा दबदबा थियो। उनका बुबा आरिफ अमिर र हजुरबुबा बिल्ला त्रकनवाला पनि गुण्डा थिए । सन् २०१० मा उनको बुबाको पनि गोली हानी हत्या गरिएको थियो ।
‘डन’ रिपोर्टका अनुसार फेब्रुअरी १८ मा लाहोरको चुङ क्षेत्रमा एक विवाह समारोहमा बलाज टिपुलाई अज्ञात हमलाकारीले गोली हानेको थियो । अन्य दुई पाहुनालाई पनि गोली लागेको छ । उनीहरू गम्भीर घाइते भए ।
अमिर बलाजको अवस्था यस्तो थियो कि उनको वरिपरि बन्दुक लिएर सधैं पहरेदारहरू थिए। यी अंगरक्षकहरू पनि विवाह समारोहमा थिए। आक्रमणकारीले फायरिङ गरेपछि यी गार्डहरूले पनि जवाफी कारबाही गरेका थिए। जसमा आक्रमणकारी मारिएका थिए ।
पाकिस्तानी मिडिया डनको रिपोर्टका अनुसार आमिर बालाज टिपुलाई घाइते अवस्थामा जिन्ना अस्पतालमा भर्ना गरिएको थियो। यद्यपि, सबै प्रयासहरूको बावजुद बालाजको मृत्यु भयो। त्यसपछि उनका समर्थकहरु अस्पतालमा जम्मा भएका थिए ।
लाहोरमा भएको घटनापछि पाकिस्तान प्रहरीले उक्त क्षेत्रलाई सिल गरेको छ । घटनाको अनुसन्धान भइरहेको छ । प्रहरीको पहिलो प्रयास आक्रमणको कारण पत्ता लगाउने र त्यसपछि आक्रमणकारीको पहिचान गर्ने हो। हाल प्रहरीले यस घटनामा कसैलाई पनि पक्राउ गरेको छैन ।
Facebook Comment