काठमाडौं। बाल्टिमोरमा धेरै नेपाली कलाकारहरुको बसाेवास रहेको नौलो कुरा त हैन, तर अहिले अमेरिकामै बसेर आफ्नो सांगीतिक जीवन स्थापना गर्ने युवाहरु पनि यहाँ देखिन थालेका छन्।

तिनै युवाहरु मध्येका एक जल्दा बल्दा कलाकार हुन् रव (गौरव) सिटौला । रव सिटौला एक गायक मात्र नभई भिडियो निर्देशक पनि हुन्। भर्खरै मात्र रव र उनका केही साथीहरुले मिलेर एउटा ‘योद्धा’ बोलको गीत बजारमा ल्याएका छन्। गीतलाई शुक्रबार बुढासुब्बा डिजिटलबाट सार्वजनिक गरिएको थियो ।

गीतको भिडियोलाई वाईट मार्शको क्लब ‘सिज्जल’मा छायांकन गरिएको थियो। भिडियोमा एक लव स्टोरीलाई देखाइएको छ। भिडियोमा बाल्टिमोरकै कलाकार सीमा बस्नेत र दिलिप श्रेष्ठलाई फिचर्ड गरिएको छ। भिडियोलाई रव आफैले निर्देशन गरेका छन्।

यो म्यूजिक भिडियोलाइ सफल पार्न अमेरिकाका नेपाली व्यवसायीहरु घिमिरे होम्स, बाल्टिमोर बिजनेस ब्रोकेरेज र जेन ट्राभल्सले सहयोग गरेका छन्।