भक्तपुर। जिल्ला प्रहरी परिसर भक्तपुरका एकजना डिएसपीमाथि दुर्व्यवहारको आरोप लागेको छ ।

परिसरका डिएसपी एवं सूचना अधिकृत बसन्त पाठकमाथि दुर्व्यवहारको आरोप लागेको हो। पाठकले सेवाका क्रममा आफूमाथि दुर्व्यवहार गरेको आरोप एकजना पीडितले लगाएका हुन् ।

उनले मंगलबार भक्तपुरमा पत्रकार सम्मेलन नै गरी परिसरका पाठकले आफूलाई लछारपछार गरी कार्यालयबाट बाहिर पठाएको आरोप लगाएका छन् ।

पुलिस रिर्पोटकोबारेमा छलफल गर्न जादाँ आफुलाई परिसरका डिएसपी पाठकले दुव्र्यवहार गरी उनको कोठाबाट मात्रै नभइ कार्यालयबाटै निकालेको राष्ट्रिय संचार केन्द्रको कार्यालय गठ्ठाघरमा सम्मेलन गर्दै पीडीतले सेवा लिन प्रहरीकोमा जादाँ अपमानित हुनु परेकोमा दुःख व्यक्त गरे।

उनका अनुसार जिल्ला प्रहरी परिसर भक्तपुरमा आइतबार चाँगुनारायण नगरपालिका वडा नं.६ नगरकोटका कृष्णबहादुर वाइवा आफ्ना छिमेकी विनोद तामाङको पुलिस रिर्पोट बारेमा कुरा गर्न गएका थिए।

सोही क्रममा केही मिनेट हुन नपाउदैं आफुलाई प्रहरी लगाएर बाहिर निकाल्न भन्दै डीएसपी पाठक चर्को स्वरमा कराएको पत्रकार सम्मेलनमा पीडितले बताए।

“तैले के गर्न सक्छस गर” भन्दै “डीएसपी सरले हामीमाथि दुर्व्यवहार गर्नुभयो,” वाइवाले भने । तेरो मानिसको भविष्य मैले बिगारेको हो र भन्दै तथानाम बोलेको वाइबाको आरोप छ।

नगरकोटमा एकै नाम गरेका धैरे मानिस भएकाले को अपराधमा संग्लन छ ? छैन भन्ने प्रहरीले छुट्याउनु पर्ने उनको भनाई थियो। केही समस्या परेर पुलिस कहाँ जादाँ जनता सुरक्षित हुँदैनन् भने कहाँ जाने? उनले प्रश्न गरेका छन्।

६ वर्ष अगाडिको घटनामा संग्लन आरोपितहरु अदालतको आदेश अनुसार जेल चलान भएको र सोही घटनामा संग्लन व्यक्तिसँग आफ्नो नाम मिल्दा प्रहरीले यो पटक पुलिस रिर्पोट नदिएको पीडित युवा विनोद तामाङको भनाइ छ।

विगतमा एक पटक आफु पुलिस रिर्पोट बनाएर साइप्रस समेत गएर आएको र अब पनि विदेश जाने क्रममा पुलिस रिर्पोट लिन जाँदा यस्तो भएको विनोदले बताए।

“नाम मात्रै मिलेको भएर मलाई दुःख दिइनु राम्रो होइन,” विनोदले भने ।

पीडितले सेवाग्राहीमाथि दुव्र्यवहार गर्ने प्रहरी अधिकृतलाई आवश्यक कारवाही गरी जनताको सेवा पाउने अधिकारबाट बन्चित नगर्न सम्बन्धित पक्षसँग उनीहरुले आग्रह गरेका छन्।