काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर गीतहरु आउनेक्रम बढेसँगै कलाकारहरुले नयाँ नयाँ गीतहरु सार्वजनिक गरिरहेका छन्।

जीवन यो हाम्रो दई दिने चोला घाम र छाया हो, मरेर लैजानु के नै रैछ र बाच्ने त माया हो भन्ने कुरालाई समेट्ने कोशिस गरिएर “जीवन यो हाम्रो” नामक नयाँ गीत सार्वजनिक भएको छ।

वास्तवमा मायाले नै संसार चलेको छ। माया शब्द कसकाे लागि प्यारो नहोला र? मायाले नै यो संसार चलेको छ। मायाले कोही कसैलाई जीवन दिन सक्छ र घृणाले अरुलाई मनोबल घटाउँछ।

माया नपाएर कोही कसैले अकाल्मै आफ्नो ज्यान गुमाएका घटनाहरु दिनानुदिन सामाजिक सञ्जालमा आइरहेका पनि छन्। माया एक अर्काको विश्वास, भरोसा, सम्बन्ध, सामिप्यता अनि आत्मियताको परिपुरक हो।

माया विना केही पनि सम्भव छैन। सोही कुरालाई मध्यनजर गर्दै सकारात्मक सन्देश दिनका लागि यो गीत सार्वजनिक गरको कुरा निर्माण पक्षले जानकारी गराएको छ।

“जीवन यो हाम्रो” नामक गीतमा मुन प्रसाई (जुनु) को स्वर रहेको छ भने डा. बिष्णु इङनाम (लिम्बु) को शब्द, बिशान मुकारुङको संगीत रहेको छ। यस गीतको भिडियोमा उजाड योङहाङ लिम्बुको निर्देशन, रुबेन गजमेरको परिकल्पना, सुनिल सुन्दाशको छायांकन तथा सम्पादन, रोशन धितालको रंग संयोजन रहेको छ। यस गीतको निर्माता तारा लिम्बु सोदेम्बा रहेका छन्।

उक्त गीतको भिडियोमा मुन प्रसाई (जुनु) र कला शिवाको अभिनय रहेको छ भने राम बहादुर बमजम अतिथी कलाकारको रुपमा देखा परेका छन्।