काठमाडौं । बेलायती सरकारले चीनले सांसद र निर्वाचन आयोगविरुद्ध ‘दुर्भावपूर्ण’ साइबर अभियान चलाएको आरोप लगाएको छ ।

बेलायतले साइबर आक्रमणको आरोपमा दुई व्यक्ति र एक कम्पनीमाथि प्रतिबन्ध लगाएको छ ।

उपप्रधानमन्त्री ओलिभर डाउडेनले बेइजिङको आलोचना गर्ने सांसद र ४ करोड मतदाताको तथ्याङ्क प्राप्त गर्ने प्रयास गरिरहेको बताए ।

बेलायतस्थित चिनियाँ दूतावासले यी आरोपहरूलाई ‘निराधार’ भनेको छ। प्रतिबन्ध लगाइएका दुई चिनियाँ नागरिकको नाम झाओ गुआन्जाउ र नि गुओबिन हुन्।

कम्पनीको नाम वुहान जियोरिजी विज्ञान र प्रविधि कम्पनी लिमिटेड हो।