काठमाडौं । अफगानिस्तानको दक्षिणपूर्वी प्रान्त गजनीमा भएको विस्फोटमा परी नौ बालबालिकाको मृत्यु भएको छ । उनीहरूले पुरानो ल्यान्ड माइन वा ‘विस्फोटक बल’ फेला पारेको बताइएको छ, जससँग उनीहरू खेलिरहेका थिए।

बलसँग खेल्दै गर्दा विस्फोट भयो । तालिवानका प्रवक्ताले गजनी प्रान्तको गेरो जिल्लामा रहेको आफ्नो गाउँ नजिकै बालबालिकाले फेला पारेको बारुदी सुरुङ दशकौं पुरानो भएको बताएका छन् ।

तालिबानका प्रवक्ता हमिदुल्लाह निसारले आइतवारको विष्फोटमा ५ देखि १० वर्ष उमेरका पाँच केटा र चार केटीको मृत्यु भएको बताएका छन्। अफगानिस्तानलाई ‘साम्राज्यको चिहान’ भनिन्छ, जहाँ रुसदेखि अमेरिकासम्म सबैको पतन भएको थियो।

तालिबानका प्रवक्ता हमिदुल्लाह निसारले गजनीमा विष्फोट भएको बारुदी सुरुङ सन् १९८० को रुसी आक्रमणको समयको भएको दाबी गरेका छन् ।

तालिबान शासनद्वारा दिइएको जानकारीका अनुसार संयुक्त राष्ट्र संघले सोमबार अफगानिस्तानमा महिला र बालबालिकासहित हजारौं मानिस ल्यान्ड माइन र युद्धका विस्फोटक अवशेषका कारण मारिएका वा घाइते भएको बताएको छ।

अफगानिस्तानको माटोमा गाडिएका बारुदी सुरंग हटाउने काम पनि भइरहेको छ । संयुक्त राष्ट्र संघले माइन एक्सन टोलीले ३ हजार ११ किलोमिटर क्षेत्र सफा गरेको जनाएको छ । सन् १९९० को दशकमा रुसी सेनाले देश छोडेपछि अफगानिस्तानले धेरै वर्षको गृहयुद्ध देखेको छ।

सन् १९९६ मा तालिवानको कब्जा र त्यसपछि अमेरिकी आक्रमणपछि अफगानिस्तानको अवस्था झनै बिग्रियो । यद्यपि, २०२० मा, तालिबानले फेरि अफगानिस्तान कब्जा गर्‍यो र उनीहरूले अन्तरिम सरकार चलाइरहेका छन्।