काठमाडौं। नेपाली चलचित्र ‘बैना बट्टा’को टाइटल गीत सार्वजनिक गरिएको छ। मेलिना राई र राजु लिम्बुको स्वर रहेको ‘बैना बट्टा’ बोलको यस गीतलाई काठमाडौंमा एक कार्यक्रमकाबीच सार्वजनिक गरिएको हो।

गीतमा बाबु मोक्ताङ (बीएल) र रश्मिला तामाङलाई फिचरिङ गरिएको छ। प्रेम लावतीले निर्माण गरेको यस चलचित्रमा राज चाम्लिङको लेखन तथा निर्देशन रहेको छ।
यस चलचित्रमा देवजङ्ग थापाको छायांकन तथा सम्पादन रहेको छ।

रिलिज मिती घोषण गरिनसकेको यस चलचित्रमा बाबु र रश्मिलासँगै देबेन्द्र नेम्बाङ, कविता राई, अर्जुन श्रेष्ठ, नरेश बनेम, रिया सुब्बा, रोमन सिंह लिम्बु, प्रकाश थेबे, कृष्ण राज नेम्बाङलगायतका कलाकारहरुको अभिनय रहेको छ।