काठमाडौं । युक्रेनले दक्षिणी रुसमा ड्रोन आक्रमण गरी एयरबेसमा पार्किङमा राखिएका ६ रुसी लडाकु विमान ध्वस्त पारेको दाबी गरेको छ ।

युक्रेनी रक्षा स्रोतहरूले बीबीसी युक्रेनीलाई रोस्तोभ क्षेत्रमा आक्रमणमा अन्य आठ विमानहरू नराम्ररी क्षतिग्रस्त भएको बताए।

यस आक्रमणमा २० सैनिकको मृत्यु भएको अनुमान गरिएको छ ।

स्रोतका अनुसार युक्रेनको युद्धमा प्रयोग भएका सुखोई–२७ र सुखोई–३४ विमान मोरोजोभस्क एयरबेसमा राखिएको छ ।

युक्रेनको यो दाबीमा रुसबाट अहिलेसम्म कुनै प्रतिक्रिया आएको छैन । बीबीसीले यी दाबीहरूलाई स्वतन्त्र रूपमा प्रमाणित गर्न असमर्थ छ।

अर्कोतर्फ, रुसी अधिकारीहरूले युक्रेनसँग सीमा जोडिएको क्षेत्रमा ४० भन्दा बढी ड्रोनले निशाना बनाइएको बताएका छन् ।