काठमाडौं। प्रहरीको थुनामा रहेका व्यक्तिलाई छुटाइदिन्छु भनेर थुनुवाका आफन्तसँग पैसा माग्ने प्रहरीको फन्दामा परेका छन्। थुनामा रहेका व्यक्तिलाई छुटाइदिन्छु भन्ने प्रलोभनमा पारी नगद १ लाख रुपैयाँ ठगी गरेको अभियोगमा प्रहरीले महोत्तरी, महोत्तरी गाउँपालिका–३ बस्ने ३४ वर्षीय प्रवीण कुमार लाभलाई प्रहरीले पक्राउ गरेको छ ।

ठगी मुद्दामा अनुसन्धानको शिलशिलामा आकिव जावेद, यम दादुल मोमिन र सगिर शेखलाई महानगरीय प्रहरी परिसर टेकु काठमाडौंमा थुनामा राखी अनुसन्धान भइरहेको अवस्थामा निज प्रवीणले उनीहरूलाई छुटाइदिन्छु भनि धनुषा जनकपुर उपमहानगरपालिका–२ बस्ने ३४ वर्षीय मोहम्मद आर्फिन अलिनसँग साउन २ गते उक्त नगद लिई ठगी गरेको भन्ने सूचना प्राप्त भए पश्चात सोही परिसरबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।