काठमाडौं । सामान्यतया श्रीमान्–श्रीमतीबीच सम्बन्धविच्छेद हुँदा श्रीमानले श्रीमतीको भरणपोषण गर्नुपर्छ । साथै दुबैको सन्तान भएमा त्यो बच्चाको लागि पनि बाल सहयोगको नाममा पैसा तिर्नुपर्छ ।

केन्टकीका एक पुरुषले सम्बन्धविच्छेद पछि यो खर्चबाट बच्न जे गरे त्यो अचम्मको कुरा छ। एक व्यक्तिले आफ्नी पूर्व पत्नीको छोरालाई बाल हेरचाहमा १ लाख डलर भन्दा बढी तिर्नबाट जोगिन आफ्नो मृत्युको नक्कली प्रमाण तयार पारे ।

३९ वर्षीय जेसी किफले गत जनवरीमा राज्यका डाक्टरबाट लगइन विवरणहरू चोरेर हवाईमा आफ्नो फर्जी मृत्यु दर्ता प्रक्रिया पूरा गरे । अन्वेषकहरूका अनुसार उनले प्रणालीमा आफ्नै लागि फाइल बनाएर बुझाए।

पक्राउ परेपछि किफले आफ्नी पूर्व पत्नीलाई बाल सहयोग भुक्तान गर्नबाट बच्न यो गरेको खुलासा गरे । ‘उनले हवाई राज्य मृत्यु प्रमाणपत्र कार्यपत्र पूरा गरे, र त्यसपछि जनवरी २१, २०२३ मा आफूलाई केसको लागि मेडिकल सर्टिफायरको रूपमा नियुक्त गरे र त्यो केस प्रमाणित गरे,’ अदालतको कागजातमा भनिएको छ। किफले मार्च २९ मा मुद्दामा दोष स्वीकार गरे।