काठमाडौं। नेपाली मौलिक गीत संगीतको संरक्षण, संवर्द्धन एवम् प्रवर्द्धनका निम्ति स्थापना भएको कर्णाली कलाकार प्रतिष्ठानको आयोजना र नेपाल संगीत तथा नाट्य प्रज्ञा प्रतिष्ठानको सहकार्यमा नेपाली महिलाहरूको अन्तरनिहित प्रतिभाको उजागर गर्नुका साथै मौलिक बाजा मादलको संरक्षण र विकास गर्ने उद्देश्यका साथ इतिहासमै पहिलो पटक “राष्ट्रिय महिला मादल वादन प्रतियोगिता – २०८१” राष्ट्रिय नाचघर, जमल, काठमाडौंमा भब्य रुपमा सम्पन्न भएको छ।

प्रतियोगितामा राष्ट्रिय कलाकारहरुको प्रस्तुति समेत रहेको थियो । “नारीको कला, नारीको सान” भन्ने मूल नारा सहित कर्णाली कलाकार प्रतिष्ठान, काठमाडौं नेपालको आयोजनामा भएको “राष्ट्रिय महिला मादल वादन प्रतियोगिता – २०८१” मा कर्णाली कलाकार प्रतिष्ठानकी अध्यक्ष टिका पुनको अध्यक्षता रहेको थियो भने सुचना तथा सञ्चार प्रबिधि मन्त्री माननिय रेखा शर्माको प्रमुख आतिथ्यता रहेको थियो।

प्रतियोगितामा वरिष्ठ मादल बादक खड्ग बुढा मगर निर्णायक संयोजक रहेका थिए भने वरिष्ठ कलाकार प्रेमदेब गिरी, बाध्यसम्राट न्हुक्ष बहादुर डंगोल, वरिष्ठ तबला बादक सरिता मिश्र आदी निर्णायकको रुपमा रहेका थिए। “राष्ट्रिय महिला मादल वादन प्रतियोगिता – २०८१” मा राष्ट्रिय नारी सम्मानद्धारा वरिष्ठ तबला बादक एबं पद्मकन्या क्याम्पसकी तवला बादक सुमित्रा श्रेष्ठ, सामाजिक अभिन्यता कुशल नेतृ साबित्रा अधिकारी, सुरुवात देखि हाल सम्म निरन्तरता दिँदै आएकी दोहोरी साँझ गायिका बाला पुन गरी ३ जनालाई ११,५५५ रुपैयाका दरले नगद सहित सम्मान गरिएको थियो ।

“राष्ट्रिय महिला मादल वादन प्रतियोगिता – २०८१” मा १९ बर्ष देखि ७१ बर्ष सम्मको उमेर समुहका महिलाहरुले भाग लिएका थिए । “राष्ट्रिय महिला मादल वादन प्रतियोगिता – २०८१” मा सल्यान की सुशिला बुढा मगर प्रथम, काभ्रेपलान्चोक की सुकिमाया मोक्तान द्धितिय, दाङकी रिता बुढाथोकी तृतिय, सुर्खेत की बिमला गिरी सान्त्वना हुन सफल भएका थिए।

त्यस्तै “राष्ट्रिय महिला मादल वादन प्रतियोगिता – २०८१” मा भाग लिएकी ७१ बर्षिय कोलि कुमारी कुँवरलाई बिशेष प्रतिभा सम्मान, देब कुमारी देबकोटालाई पब्लिक च्वाईस सम्मान र जस्मिन कपालीलाई युवा प्रतिभा सम्मानद्धारा सम्मान गरिएको थियो ।

“राष्ट्रिय महिला मादल वादन प्रतियोगिता – २०८१” मा प्रथम पुरस्कार ५५ हजार रुपैया, द्धितिय पुरस्कार ३५ हजार रुपैया, तृतिय पुरस्कार २५ हजार रुपैया र सान्त्वना पुरस्कार १५ हजार रुपैया पुरस्कार राशी रहेको थियो। प्रतियोगितामा ७० जनाले फर्म भरेतापनि कतिपय महिलाहरुले आत्मबल घटाएर भाग लिन नमानेपछि अन्तिममा २७ जना मात्रले भाग लिएका थिए।

“राष्ट्रिय महिला मादल वादन प्रतियोगीता – २०८१” मा प्रतियोगी संयोजक एबं निर्णायक संयोजकको रुपमा बरिष्ठ मादल बादक खड्ग बुढा मगर रहेका थिए भने कार्यक्रमको संयोजकको रुपमा प्राज्ञ टिका पुन र मिडिया संयोजकको रुपमा पत्रकार प्रकाश बराईली “अभिब्यक्ति” रहेका थिए।